भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली सुन्दरकाण्ड पद 1 से 10 तक/पृष्ठ 2
Kavita Kosh से
2
देखी जानकी जब जाइ |
परम धीर समीरसुतके प्रेम उर न समाइ ||
कृस सरीर सुभाय सोभित, लगी उड़ि उड़ि धूलि |
मनहु मनसिज मोहनी-मनि गयो भोरे भूलि ||
रटति निसिबासर निरन्तर राम राजिवनैन |
जात निकट न बिरहिनी-अरि अकनि ताते बैन ||
नाथके गुनगाथ कहि कपि दई मुँदरी डारि |
कथा सुनि उठि लई कर बर, रुचिर नाम निहारि ||
हृदय हरष-बिषाद अति पति-मुद्रिका पहिचानि |
दास तुलसी दसा सो कहि भाँति कहै बखानि ?||
