भारत की संस्कृति के लिए... भाषा की उन्नति के लिए... साहित्य के प्रसार के लिए
साल भर पर ऋतुराज आवे / जयराम दरवेशपुरी
Kavita Kosh से
फाग गावऽ हइ
फागुन महीना
एकर हावा के सरगम नगीना
राम परदीप
पपीहा सुनावे
भोर में भैरवी
कोयलिया गावे
बगिया बजवऽ हइ
मिल्लत के बीना
ताल दीपचंदी तन मन झुलावे
धमार पंचम सुर में मिलावे
गंध बांटे पवन में पुदीना
चाँद खेलऽ हइ
चकवा-चकइया
सुरूज सोना के बांटे रुपइया
बड़ दुश्वार एकसर हे जीना
रंग पोरऽ हइ कलियन पर भौंरा
अबीर उड़वऽ हइ कामदेव के छौंरा
सुधि में पागल बिरहिन रात दीना
साल भर पर रितुराज आवे
प्यार से सबके मन गुदगुदावे
रउदा ढरकावऽ
लगलइ पसीना।
