भारत की संस्कृति के लिए... भाषा की उन्नति के लिए... साहित्य के प्रसार के लिए
गीत 16 / दोसर अध्याय / अंगिका गीत गीता / विजेता मुद्गलपुरी
Kavita Kosh से
Lalit Kumar (चर्चा | योगदान) द्वारा परिवर्तित 03:04, 14 जून 2016 का अवतरण ('{{KKGlobal}} {{KKRachna |रचनाकार=विजेता मुद्गलपुरी |अनुवादक= |संग...' के साथ नया पृष्ठ बनाया)
साधक के चाही इन्द्रिय के बस में रखि केॅ ध्यावै।
मन-बुद्धि के रखै धीर से स्थितप्रज्ञ कहलावै।
सकल उर्ध्वचेता चरित्र के
मन ही पतन करै छै
साधक हमरा में चित्त रोपी
नित स्मरण करै छै
हे अर्जुन! से पावै हमरा, जे आसक्ति नसावै
साधक के चाही इन्द्रिय के बस में राखि केॅ ध्यावै।
आसक्ति बरबस इन्द्रिय के
खींच विषय से जोड़ै
जबरन मन के हरण करै
प्राणी हमरा तब छोड़ै
ज्ञानी भी तब जानि-जानि अंतिम तब जानि न पावै
साधक के चाही इन्द्रिय के बस में रखि केॅ ध्यावै।
जब-जब चिन्तन करै विषय के
आसक्ति तब जागै
आसक्ति जब जगै
कामना सहज विषय संग लागै
और कामना खण्डित होतें, तुरत क्रोध उपजावै
साधक के चाही इन्द्रिय के बस में रखि केॅ ध्यावै।
