भारत की संस्कृति के लिए... भाषा की उन्नति के लिए... साहित्य के प्रसार के लिए
गेहूँ-गुलाब / मथुरा नाथ सिंह 'रानीपुरी'
Kavita Kosh से
Lalit Kumar (चर्चा | योगदान) द्वारा परिवर्तित 13:02, 10 जुलाई 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
मुँह-उपरें विहसै गुलाब
हुन्नें गेहूँ असनैलऽ छै।
घरे-घरे सुण्डा घूरै
आटा लागै अनसैलऽ छै।
दाम करै छै सनमन पिल्लू
मक्खी भन्नभनैलऽ छै
जेकरा अंगे काँटे-काँटऽ
वहेॅ गुलाब कहैलऽ छै।
गेहूँ धूरा में लोटै छै
गमला गुलाब सजैलऽ छै
माटी के रस चूसी-चूसी
सब दिन गुलाब मुसकैलऽ छै।
पेट भरै गेहूँ के बाली
सबके देहें समैलऽ छै
तब्बो कैन्हें सबके नजरें
गुलाबे केश मढ़ैलऽ छै?
