भारत की संस्कृति के लिए... भाषा की उन्नति के लिए... साहित्य के प्रसार के लिए
राधिका आई कुंज-बिहार / हनुमानप्रसाद पोद्दार
Kavita Kosh से
Sharda suman (चर्चा | योगदान) द्वारा परिवर्तित 10:15, 17 जनवरी 2014 का अवतरण ('{{KKGlobal}} {{KKRachna |रचनाकार=हनुमानप्रसाद पोद्दार |अनुवादक= |स...' के साथ नया पन्ना बनाया)
राधिका आई कुंज-बिहार।
रह्यौ जहाँ कौ, जैसौ, जो संकेत-समय निरधार॥
आसा हुती, मिलैंगे मोहन तहँ सँकेत-अनुसार।
पर वे नहीं मिले, नहिं आए, घरी बीति गइँ चार॥
भई अनिष्टस्नसंका जाग्रत, मिलै न दुस्संवाद।
कहा भयौ, कैसे नहिं आए, छायौ बिषम बिषाद॥
भई अबेर, चलन लागी लू, प्रगट्यौ निपट निदाघ।
आ न जायँ एहि काल स्याम कहुँ, कठिन भयानक दाघ॥
पठई एक सखी कौं देखन, जानन प्रिय-कुसलात।
कह्यौ सँदेसौ-’मत अइयौ अब, दाघ जरैंगे गात’॥
अति उदास, संका अनिष्टस्न् की, भय-विह्वलता संग।
ह्वै निरास बैठी निकुंज में, जरत अंग-प्रत्यंग॥
