भारत की संस्कृति के लिए... भाषा की उन्नति के लिए... साहित्य के प्रसार के लिए
धन्य-धन्य मची गेलै / रूप रूप प्रतिरूप / सुमन सूरो
Kavita Kosh से
Sharda suman (चर्चा | योगदान) द्वारा परिवर्तित 17:31, 30 नवम्बर 2016 का अवतरण ('{{KKRachna |रचनाकार=सुमन सूरो |अनुवादक= |संग्रह=रूप रूप प्र...' के साथ नया पृष्ठ बनाया)
कालतक छेलै जे तनलोॅ अभिमान सें
कालतक छेलै जे अकड़लोॅ आन सें
विवेक के गंगा में नहैलै तनियें टा
पनगरोॅ होय उठलै आदमी के मान सें।
झुलसै के डर-भय सें फूल कली मुरझैलोॅ
मुस्कैलै हुलसी केॅ राहत सें मान सें
लहरैलै लहर एक धरती हिलकोरी केॅ
सिहरी उठलै सरंग पंछी के गान सें।
धन्य-धन्य मची गेलै गोरबाचोप-रीगन के
भरी गेलै घाट-बाट लव्वोॅ अख्यान सें
असरा के सुरुज देव उगलै पछीमोॅ में
पूर्बे निरजासै छै एकटक ध्यान सें।
काना-फूसी हुअेॅ लागलै निराशा के धोली में
काँपी उठलै अन्हार चाँदनी के भान सें
सरङोॅ के गोदी में कुछ उदास तारा छै
ओकर्हौ छै असरा विवेकी इन्सान सें।
