भारत की संस्कृति के लिए... भाषा की उन्नति के लिए... साहित्य के प्रसार के लिए
बरसै छै चारो उहार / रूप रूप प्रतिरूप / सुमन सूरो
Kavita Kosh से
Sharda suman (चर्चा | योगदान) द्वारा परिवर्तित 15:44, 30 नवम्बर 2016 का अवतरण ('{{KKGlobal}} {{KKRachna |रचनाकार=सुमन सूरो |अनुवादक= |संग्रह=रूप रू...' के साथ नया पृष्ठ बनाया)
बरसै छै चारो उहार मेघा
बरसै छै सूपोॅ के धार!
टिपिर-टिपिर पानी पर बरसै छै पानी,
अपनेती के खौलै आदिम कहानी,
पानी-सें-पानी के प्यार!
माँटी में गजुरै छै अनगिनती बीया,
की बीहो-फतिया छै पिया-पपीहा,
सिरजन के सगरो गुहार!
भीजै छै सुनसान धरती-फुलबारी,
बिसरै छै लोक-लाज सजना के प्यारी,
पशु-पाखीं खोजै ठहार!
उठै छै ऐङना मंे फोंका-पर-फोंका,
झटका सें तीतै छै खिड़की-झड़ोखा,
होतै नै जल्दी निस्तार!
मेघा बरसै छै चारो उहार!