भारत की संस्कृति के लिए... भाषा की उन्नति के लिए... साहित्य के प्रसार के लिए

महात्मा / राजकमल चौधरी

Kavita Kosh से
Lalit Kumar (चर्चा | योगदान) द्वारा परिवर्तित 11:14, 5 अगस्त 2015 का अवतरण ('{{KKGlobal}} {{KKRachna |रचनाकार=राजकमल चौधरी |अनुवादक= |संग्रह= }} {{KK...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

देशक माटि जकर परिधान बनल सदिखन
देशक पानि जकर मधुपान बनल सदिखन
थिक वैह महात्मा
जे सभ पीड़ा आत्मवेदना चुप्पे रहि वरण करय
जे हँसि कय, मुस्का कय दुख-झंझा हरण करय
आक्रोशेँ हाहाकारेँ नइँ प्रलय मचाबय कहिओ
नियतिक पाथर-पथ पर आन्हर बनि चरण धरब
आस्था - शान्तिक सम्मान बनल सदिखन
थिक वैह महात्मा

जे चलय त नइँ पाछू-पाछू भागय जन-समाज
जे नइँ चिकरय-‘‘बदलब हम अन्यायक कुराज’’
पत्नीक नेह, परिवारक शरीरसँ बान्हल-छेकल
चलय ने कखनउँ क्रान्तिमार्ग लय देशोद्धार काज
जीबय गृह-आँगनके प्रान बनल सदिखन
थिक वैह महात्मा
जे ने जाए मन्दिर धरि पूजासँ निर्माण करय परलोक
जे बनि जाय खेतके आरि-घूरसँ सअल, मृत जोंक
नइँ ताकय आकाशक दिस, धरतीपर ओंघरायल रहय
समयक बरखा जकर हर्ष, दाही रौदी जकर शोक
बिहुँसय खेतक खरिहानक अभिमान बनल सदिखन
थिक वैह महात्मा