भारत की संस्कृति के लिए... भाषा की उन्नति के लिए... साहित्य के प्रसार के लिए
तोहरा ले जम हियई / जयराम दरवेशपुरी
Kavita Kosh से
की बूझऽ हा तोहरा से कम हिअइ
उतरऽ मइदान में अजमावऽ की हिअइ
तोहर बिख दाँत के धार हियो तोड़इ ले
दुख छल सब के लगल हियो जोड़इ में
खूटल अखाढ़ा में तोहरा ले यह हिअइ
तू हा धइल महा बड़का छिछोर
समइये पर हो गेलो हे भंडा फोर
एकरे में लगल-लगल हम तऽ बेदम हिअइ
तोर गीदड़ भभकी से हलूं मजबूर
अन्हरजाल में फंसल कमियाँ मजदूर
श्रम के हम पालल की न´ बेशरम हिअइ
हम सब अब हाथ मिला डटल ही ठाढ ही
तनि सन छुपल दाव लगा आड़ ही
बूझऽ हा घास फूस हम कि नरम हिअइ।
