भारत की संस्कृति के लिए... भाषा की उन्नति के लिए... साहित्य के प्रसार के लिए
Changes
Kavita Kosh से
सब नवा नवा भर गोठियाथें
हंसिया कुदरी घर खेत कती
जाये खातिर बर ओतियाथें*!
बाबू साहेब अउ हवलदार
पढ़ लिख के कइ झन होवत हें!
पउवा बोतल कुकरा बोकरा
सौ पचास रूपिया म!
लुगरा पोलखा* घोतिया पटकू
अउ गहना-गुरिया म!
पैसा वाले मन गरीब के
नकटा बुचुवा मारे कूटे
चोर उचक्का डाकू !
लोफड़ लंपट छल परपंची
लोभी लुच्चाछ आगू!
पंच कउन सरपंच कउन
जनपद जिला पंचाइत!
गांव ठाँव के हित सेती* बर
एक ठन जबर सिका इत!
नोट म बोट सके ले खातिर
गंजहा भंगहा घूमय!
गहना गुरिया भड़वा बरतन
के कीमत म झूमय !
मंदिर स्कूल पंचइत भवन म
जुआ सट्टा खेंलंय !
अपन सब सिरवाके लइकन
मन बर पाप सके लंय !
असली सपूत हें गिने चुने
जे गाँव के लाज बचावत हें!
बिगड़त हें मोटियारी नोनी!
चोंगा डब्वा तो ठौर ठौर
अनसुरहा कस बोरियावत* हें!
जेकर हाथ लगाम थमायेन
न काठी ले ऐंड़ लगावंय
न कोड़ा चमकावंय!
अंधवा कनवा खोरवा* लुलुवाअउ डोकरा डोकरी के !
सुख सुविधा ल हवंय डकारत
जइसे सब पोगरी के !अपन भितिया खदर-कुरिया*
काया कलप करावत हें!
बदनाम घलव हें नाव बिचारी
मितानिन संगवारी के !
पंचाइत अउ का सुसाइटी
स्कूल का आंगन बारी के !कु छ सढ़वा बन कुछ हरहा* कसमौका पाके ओसरावत* हें!
कुछ रूप रंग म बउराये
कुछ चारा चर पगुरावत हें!
बइठे जउने डारा अड़हा
निरदइ असन बोंगियावत* हें!
लखनउ दिल्लीर का कानपुर अब
खोर-गिंजरा* मन बर पारा!
जकला भकला मन रहिन कहाँ
