भारत की संस्कृति के लिए... भाषा की उन्नति के लिए... साहित्य के प्रसार के लिए
Changes
Kavita Kosh से
<poem>
चलें गे सखिया, चलें बहिनियाँ-जैबै नया जहान में।
पढ़ी-लिखी केॅ, साक्षर बनबै, साक्षरता अभियान में।।में।
भेंड़-बकरिया गैया-भैंसिया, लैकेॅ जैबै बथान में।
तैय्योॅ बहिनियाँ पढ़ै लेॅ जैबै, साक्षरता अभियान में।।में।
गोबर चुनबै, गोयठा सुखैबै, मनोॅ लगैबै काम में।
तैय्योॅ बहिन गे लिखै लेॅ सीखबै, साक्षरता अभियान में।।में।
धानोॅ काटी केॅ बोझबा ढोय केॅ, लै जैबै खलियान में।
टिप्पा मारै के कलंक मिटैबै, साक्षरता अभियान में।।में।
आपनोॅ पढ़भै, बुतरूवोॅ पढ़ैबै, सफाई केॅ राखबै ध्यान में।
जिनगी के सब दुरगुन मिटैबै, साक्षरता अभियान में।।में।
पिया के भेजलोॅ चिट्ठी गे बहिना, बसैबै तन-मन-प्राण में।
चिट्ठियो लिखी-लिखी केॅ भेजबै, सजना के सम्मान में।।में।
तन-मन दूनोॅ खुशी सेॅ भरतै, फुदकतै आसमान में।
निरक्षरता के दागोॅ मिटैबै, साक्षरता अभियान में।।में।
</poem>
