भारत की संस्कृति के लिए... भाषा की उन्नति के लिए... साहित्य के प्रसार के लिए
Changes
Kavita Kosh से
{{KKGlobal}}{{KKRachna|रचनाकार=कानदान कल्पित|संग्रह=}}{{KKCatRajasthaniRachna}}{{KKCatKavita}}<poemPoem>डब-डब भरिया, बाईसा रा नैण ,
चिड़कली रा नैण,लाडलडी़ रा नैण,
तीतरपंखी रा नैण,सूवटडी़ रा नैण,
दो’रो घणो सासरियो ॥सासरियो॥
मायड़ जाण कळेजै री कोर,फ़ूल माथै पांख्यां धरी ।धरी।
माथै कर-कर पलकां री छांय,पाळ-पोस मोटी करी॥
राखी नैणां री पुतळी जाण,मोतीडा़ सूं महंगी करी ।करी।
कर-कर आघ,लडाई घण लाड,
भरीजी मन गाढ,
जीवण मीठो ज़हर पियो,
दो’रो घणो सासरियो ॥सासरियो॥
डूबी सोच समंदडै़ रै बीच,तरंगा में उळझ परी।
जाणै मोत्यां बिचली लाल,पल्लै बंधी खुल परी ।परी।भरियो नैणां ममता-नीर,लाडलडी़ नै गोद भरी ।भरी।
जागी-जागी कळैजै री पीड़,
हिय सूं लीवी भीड़ ,
गरळ-गळ हिवडो़ भरियो,
दो’रो घणो सासरियो ॥सासरियो॥
भाभीसा काढ काजळियै री रेख,संवारी हिंगळू मांगड़ली ।मांगड़ली।बीरोसा लाया सदा सुरंगो बेस,ओढाई बोरंग चूंदड़ली ।चूंदड़ली।बाबोसा फ़ेरियो माथै पर हाथ,दिराई बाई नै सीखड़ली ।सीखड़ली।
ऊभो-ऊभो साथणियां रो साथ,
आंसूडा़ भीज्यो गात ,
नैणां झड़ ओसरियो,
दो’रो घणो सासरियो ॥सासरियो॥
करती कळझळ हिवडै़ रा दो टूक,कूंकूं पगल्या आगै धरिया ।
कायर हिरणी-सी मुड़-मुड़ देख ,आंख्यां माथै हाथ धरिया ।
मुखडो़ मुरझायो बिछडंतां आज ,रो-रो नैण राता करिया ।
चांद-मुखडै़ उदासी री रेख ,
डुसक्यां भरती देख,
सहेल्यां गायो मोरियो,
दो’रो घणो सासरियो ॥सासरियो॥
रथडै़ चढती पाछल फ़ोर,सहेल्यां नै झालो दियो ।दियो।कूंकूं-छाई बाजर हरियै खेत,जाणै जियां झोलो बियो |छळक्या नैण घूंघटियै री ओट,काळजो काढ लियो ।लियो।
काळी-काळी काजळियै री रेख,
मगसी पड़गी देख,
नैणां सूं ढळक्यो काजळियो,
दो’रो घणो सासरियो ॥सासरियो॥
मनण-रूठण रा आणंद उछाव,हियै रै परदै मंडता गिया ।गिया।सारा बाळपणै रा चित्राम,नैणां आगै ढळता गिया ।गिया।बिलखी मावड़ नै मुड़ती देख, विकल नैण झरता गिया ।गिया।
करती निस-दिन हंस-किलोळ,
बाबोसा-घर री पोळ,
ढ्ल्या रो रमणो छूट गियो,
दो’रो घणो सासरियो ॥सासरियो॥
लागी बालपणै री प्रीत,जातोडी जीवडो़ दो’रो कियो ।कियो।रेसम रासां नै दी फ़णकार,सागडी़ नै रथडो़ खड़यो ।खड़यो।धरती अम्बर रेखा रै बीच,सोवन सूरज डूब गियो ।गियो।
दीख्या-दीख्या सासरियै रा रूंख,
रेतड़ली रा टूंक,
सौ कोसां रहग्यो पीवरियो ,दो’रो घणो सासरियो ॥सासरियो॥
डब-डब भरिया, बाईसा रा नैण ,
चिड़कली रा नैण,लाडलडी़ रा नैण,
तीतरपंखी रा नैण,कोयलडी़ रा नैण ,सूवटडी़ रा नैण,दो’रो घणो सासरियो ॥सासरियो॥
</poem>
