भारत की संस्कृति के लिए... भाषा की उन्नति के लिए... साहित्य के प्रसार के लिए
रामप्रेम ही सार है / तुलसीदास/ पृष्ठ 6
Kavita Kosh से
रामप्रेम ही सार है-6
(47)
को भरिहै हरिके रितएँ रितवै पुनि को , हरि जौं भरिहैं ।
उथपै तेहि केा , जेहिं रामु थपै, थपिहैं तेहि केा , हरि जौं टरिहैं।।
तुलसी यहु जानि हिएँ अपनें सपनें नहिं कालहु तें डरिहैं।।
कुमयाँ कछु हानि न औरनकीं, जो पै जानकी-नाथु मया करिहै।।
(48)
ब्याल कराल, महाबिष , पावक मत्तगयंदहु के रद तोरे।
साँसति संकि चली, डरपे हुते किंकर , ते करनी मुख मोरे।।
नेकु बिषादु नहीं प्रहलादहि कारन केहरिके बल हो रे।
कौनकी त्रास करै तुलसी जो पै राखिहै राम, तौ मारिहै को रे।।
