भारत की संस्कृति के लिए... भाषा की उन्नति के लिए... साहित्य के प्रसार के लिए
चतरा खुश छै / विजेता मुद्गलपुरी
Kavita Kosh से
Lalit Kumar (चर्चा | योगदान) द्वारा परिवर्तित 12:22, 11 जुलाई 2017 का अवतरण ('{{KKGlobal}} {{KKRachna |रचनाकार=विजेता मुद्गलपुरी |अनुवादक= |संग...' के साथ नया पृष्ठ बनाया)
चतरा
जे आजकाल
केक्टस के नाम से
फूल के श्रेणी में आय गेलै
स्वीकृति पाय गेलै
धीरे-धीरे वंश विस्तार भे रहलै
ऊ चिढ़ाबै छै
कँटरेंगनी के काँटा
अपना के फूल बताबै छै
अंदेखी करै छै
ओक्कर आयुर्वेदिक महत्व के
देखा हिसकी
कँटरेंगनी
अप्पन अपेक्षित महत्व भुलाय के
अनपेक्षित महत्वाकाँक्षा में जीये लागलै
इतर सुरा पीये लागलै
ऐ कारण
कँटरेंगनी
सब के गोर में नै
आँख के चुभे लागलै
चतरा खुश छै
अपना के गमला में
आरो
कँटरेंगनी के नाली के पास परल देख के
चतरा बहुत खुश छै
