शरशय्या / दोसर सर्ग / भाग 1 / बुद्धिधारी सिंह 'रमाकर'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

बुद्धिधारी सिंह 'रमाकर' »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

<< पिछला पृष्ठ

पृष्ठ सारणी

अगला पृष्ठ >>

इष्टदेवपूजन निरत
रहथि पुरातन लोक।
चन्दन-पूजन-ध्यानसँ
होइछ दिव्यालोक।।1।।

दूनू लोकक साधनक
हेतु कहल सत्कर्म।
उपकृत कए जनता करी
परलोकक हित धर्म।।2।।

शुद्ध चतुरता शास्त्रमे
कहलहि ते मुनिवर्ग।
थापित कए जगमें सुयश
पाबी जँ अपवर्ग।।3।।

शान्तिक अधिपति शान्तनुक
जीवन-यापन शुद्ध।
बढ़ल दिनो दिन भक्तिमय
भावन ज्ञान-प्रबुद्ध।।4।।

कालकगतिके रोकि के
सकथि, रहथु अवतार?
संसरणहि सँ पड़ल अछि
सज्ञा ते संसार।।5।।